Kalaallit Nunaat

Kalaallit Nunaanni nipilersuutinik saqqummiunneqarsimasunik, Nunatsinni radioqarfiit- tv-milu allakaatitsiffiit allallu atuisimagaangata  Gramex akiliisitsisarpoq.

Isertitat affai kalaallinut nipilersornermik sammisalinnut agguagassatut utertarput. Aningaasat sinneri agguaanneqartarput kalaallisut, qallunaatut aammalu nunat tamat atuiffigisatut nalunaarsuiffii Gramex-ip tigusimasai qallunaat radioanniit tv-anillu malillugit.

Aningaasat Kalaallit Nunaannut utertut, nipilersuusiortunut aamalu saqqummersitsivinnut avinneqassapput. Aningaasat immikkut puljemut toqqorneqassapput, kalaallinut nipilersornermut sammisalinnut tapiutaasartussatut.

Ukiumut ataasiarlutik kalaallit nipilersornermik erinarsornermillu sammisallit tassanngaanit taperneqarnissaminnik qinnuteqarsinnaapput:

  • Nipilersornermi, erinarsornermi aammalu nipilersuutinik pissanganartuliornermi (musikdramatik)tusarnaartitsinissamut taperneqarnissamut
  • Immiussinissamut cd-nillu saqqummersitsitsinissamut kiisalu nittarsaanneqarnissaannut
  • Nipilersornerup iluani pikkorissarnissamut
  • Pikkorissanerup nalaani aammalu angalanermut aningaasartuutissanut
  • Saqqummersitsinissanut taperneqarnissamut, nipilersornermik sammisaqartunut  aningaasatigut oqilisaatissanik kiisalu inatsisit naapertorlugit piginnaatitaaffiit ilisimanissaannut

Qinnuteqarfissap killinga

Ileqquussarpoq,  qinnuteqarnissaq martsip qeqqata missaanut killeqartartoq. Ulloq killeqarfiusoq, ukiut tamaasa kalaallit aviisiini tamani erseqqissaatigineqartarpoq, aammalu Gramex-ip nittartagaani.

Ukioq manna qinnuteqarfissap killinga: 16. marts 2017.

Malugiuk

Ukiumut ataasiaannarluni qinnuteqaatit suliarineqartarput.  Qinnuteqaatinut tigusimasatsinnut akissutit majip naalernerani junilluunniit aallaqaataata missaani  ilimagisariaqassapput. .

Taperneqaruit/ssi,  tapisiaq ukiup piffippit iluani atorneqassaaq. Taamaattoqanngippat tapisiaq atorunnaarsinneqassaaq, aningaasallu puljemut utertinneqassallutik allanut iluaqutissanngorlugit. Tapisiap annertussusia SKATimut nalunaarutigineqassaaq inuttut mormuit ataani (CPR-nr.)

Taperneqarnissamut qinnuteqarit

Qinnuteqarniaruit, qinnuteqaammut skema qallunaatut immersussavat taamatullu aningaasartuutissatut missingersersuut ilanngullugu.  Qinnuteqaatinni makkua allassavatit, suliariniakkat erseqqissumik paasiuminartumillu nalunaarsussavat. Taamatullu attavitit – bankillu pillugu paasissutissat aammattaarlu nalunaarutigissavat  allanut qinnuteqarsimanerlutit/si  aammalu siusinnerusukkut Gramex-imit taperneqarsimanersutit/si.

Qinnuteqarnermut immersugassaq

Qinnuteqaat immersoriigaq , aningaasartuutissanut missingersuusiaq  bilagiusinnaasullu allat  nassiutikkit – e-maiikkuusinnaavoq – uungail – l bke@gramex.dk imaluunniit  allakkatigut  uunga:

Gramex
Gl. Kongevej 11- 13, 2.
1610 København V

Meqqilerlugu:  “Gramex- midler til Grønland”